لوک سبھا کی توسیع اور بڑے پیمانے پر حد بندی کی راہ ہموار کرنے والا آئینی (131ویں ترمیم) بل، 2026 لوک سبھا میں منظور نہیں ہو سکا۔ ایوان میں موجود 528 اراکین میں سے 298 نے اس بل کے حق میں ووٹ دیا، جبکہ 230 نے اس کی مخالفت میں ووٹ دیا۔ دو تہائی اکثریت کے لیے 352 اراکین کی حمایت ضروری تھی۔
مرکزی حکومت نے لوک سبھا میں متفقہ طور پر منظور ہونے کے 940 دن اور راجیہ سبھا میں 939 دن کی تاخیر کے بعد جمعرات کو106ویں ترمیمی ایکٹ، 2023 ، جو لوک سبھا اور ریاستی اسمبلی میں خواتین کو 33 فیصد ریزرویشن فراہم کرتا ہے، کو نوٹیفائی کیا ۔ اپوزیشن رہنماؤں نے اس نوٹیفکیشن کو قانون کو بچانے کی ایک مایوس کن کوشش قرار دیا ہے، کیونکہ حکومت کے پاس نئے بل منظور کرانے کے لیے مطلوبہ تعداد نہیں ہے۔
بی جے پی نے خواتین کے لیے ریزرویشن لاگو کرنے کے لیے 2011 کی مردم شماری کو بنیاد کیوں بنایا، یہ سوال مسلسل اٹھ رہا ہے۔ ایسا مانا جا رہا ہے کہ نئی مردم شماری کے بعد حاشیائی طبقے کی تعداد میں اضافے سے او بی سی خواتین کے لیے ریزرویشن کا مطالبہ تیز ہو سکتا ہے۔ اسی طرح حد بندی کے حوالے سے بھی اپوزیشن جماعتوں کا مطالبہ ہے کہ پہلے ذات پر مبنی مردم شماری کرائی جائے، اس کے بعد ہی حد بندی کی جائے۔
مرکزی وزارت داخلہ نے ’ہندو راشٹر‘کی وکالت کرنے والے مدھیہ پردیش کے کتھاواچک دھیریندرکرشن شاستری کی قیادت میں چلنے والے مذہبی ادارے بابا باگیشور دھام کو فارن کنٹری بیوشن (ریگولیشن) ایکٹ (ایف سی آر اے) کے تحت رجسٹریشن دے دیا ہے۔ اس کے ساتھ ہی اب یہ تنظیم غیر ملکی چندہ حاصل کرنے کی اہل ہو گئی ہے۔
دس سال پہلے کی نوٹ بندی کی طرح اچانک لیا جارہا حد بندی کا فیصلہ ہندوستان کے بڑے حصوں کو سیاسی طور پر کمزور کر دے گا، اور اس کے ساتھ ہی یہ ملک کے جمہوری ڈھانچے پر دور رس اثر ڈال سکتا ہے۔ یہ وہی علاقے ہیں، جو معیشت کے مرکز، روزگار فراہم کرنے والے اور سماجی ترقی کی نمایاں مثال رہے ہیں۔
نریندر مودی کی حکومت ہندوستان کی آبادی میں اضافے کے بارے میں تشویش میں مبتلا نظر آتی رہی ہے، لیکن اب ایک ڈرامائی موڑ میں مودی حکومت آبادی میں اضافے کو انعام دینے کی سمت میں قدم اٹھاتی دکھائی دے رہی ہے۔ پارلیامنٹ میں پیش کیے گئے تین مجوزہ بلوں کی ساخت کے مطابق، حکومت جان بوجھ کر زیادہ آبادی والے علاقوں کو فائدہ پہنچا رہی ہے۔
اڑیسہ کے سابق وزیر اعلیٰ اور اسمبلی میں قائد حزبِ اختلاف نوین پٹنائک نے مطالبہ کیا ہے کہ اڑیسہ کے وزیر اعلیٰ موہن چرن ماجھی حد بندی بل میں ریاست کے سیاسی حقوق کے تحفظ کے لیے ایک قرارداد منظور کرنے کی خاطر’ 48 گھنٹوں کے اندر‘اسمبلی کا خصوصی اجلاس بلائیں۔ انہوں نے خدشہ ظاہر کیا کہ اگر حد بندی بل اپنی موجودہ شکل میں منظور ہو جاتا ہے تو اڑیسہ کے سیاسی مفادات شدیدطور پر متاثر ہوں گے۔
تمل ناڈو کے وزیر اعلیٰ ایم کے اسٹالن نے جمعرات کو مرکز کی مجوزہ حد بندی بل کے خلاف سیاہ کپڑے پہن کر اسے ’کالا قانون‘سے تعبیر کرتے ہوئے بل کی ایک کاپی جلائی اور کالاجھنڈا دکھایا۔ انہوں نے ہندی مخالف تحریکوں کا ذکر کرتے ہوئے کہا کہ پہلے بھی تمل ناڈو سے ہوئے احتجاج نے دہلی کو جھکنے پر مجبور کیا تھا اور اس بار بھی اسی طرح کی تحریک اس تجویز کو چیلنج پیش کرے گی۔
ایران پر حملوں کے 47 ویں دن امریکہ نے ایرانی بندرگاہوں کی مکمل ناکہ بندی کا دعویٰ کیا ہے، جس کے باعث سمندری تجارت ٹھپ ہونے کی بات کہی گئی ہے۔ ادھر اسرائیل لبنان میں اپنے حملے جاری رکھے ہوئے ہے، جبکہ کئی ممالک نے جنگ بندی کا مطالبہ کیا ہے اور امریکہ کے اتحادیوں کے درمیان اختلافات بھی سامنے آنے لگے ہیں۔
نوئیڈا کے انڈسٹریل ایریا میں پچھلے کئی دنوں سے مزدوروں کا احتجاج جاری ہے۔ حکومت نے پہلے اسے ’نکسل سازش‘ قرار دیا، لیکن بڑھتے دباؤ کے درمیان کم از کم اجرت میں اضافے کا اعلان کر دیا۔ مزدور طویل عرصے سے بہتر تنخواہ اور سہولیات کا مطالبہ کر رہے ہیں۔
ہنگری میں طویل عرصے سے اقتدار میں رہے وکٹر اوربان کو پیٹر ماجیار نے انتخابات میں شکست دے دی ہے۔ تسزا پارٹی کو برتری حاصل ہوئی ہے، تاہم دو تہائی اکثریت غیر یقینی ہے۔ اس نتیجے کو یورپ کی دائیں بازو کی سیاست کے لیے ایک جھٹکا مانا جا رہا ہے اور یہ ملک کی سیاسی سمت میں تبدیلی کا اشارہ دیتا ہے۔
مغربی ایشیا میں کشیدگی کی وجہ سے عالمی سپلائی چین میں آئی رکاوٹوں سے پیدا ہونے والی مزدوروں کی کمی اور خام مال کی بڑھتی ہوئی قیمتوں کے دباؤ کے سبب ہندوستان کا مینوفیکچرنگ سیکٹر مشکلات سے دو چار ہے۔ مینوفیکچرنگ سیکٹر میں مزدوروں کی کمی کی شکایت بھی سامنے آئی ہے۔
چین نے اروناچل پردیش کے 23 مقامات کے نئے ناموں کا اعلان کیا ہے۔ اس پر ہندوستان کی وزارت خارجہ نے کہا کہ ’جھوٹے دعوے پیش کرنے اور بے بنیاد بیانیہ تشکیل دینے کی کوششیں اس ناقابل تردید حقیقت کو نہیں بدل سکتیں کہ یہ مقامات اور علاقے، جن میں اروناچل پردیش بھی شامل ہے، ہندوستان کا اٹوٹ حصہ ہیں۔ ‘
ہندوستانی موسیقی کی لیجنڈری گلوکارہ آشا بھوسلے کا اتوار کو ممبئی کے ایک اسپتال میں انتقال ہو گیا۔ وہ 92 برس کی تھیں۔ کم عمری میں گانے کا آغاز کرنے والی آشا جی اپنی تجرباتی صلاحیت اور شوخ آواز کی بدولت کئی دہائیوں تک سننے والوں کے درمیان مقبول رہیں۔ وہ بھلے ہی جسمانی طور پر ہماری دنیا میں نہیں رہیں، لیکن ان کے گیت ہمیشہ زندہ رہیں گے۔
مہاراشٹرقانون ساز کونسل کی استحقاق کمیٹی کے سامنے اسٹینڈ اپ کامیڈین کنال کامرا نے نائب وزیر اعلیٰ ایکناتھ شندے کو مبینہ طور پر ’غدار‘کہنے کے لیے معافی مانگنے سے انکار کر دیا۔ کمیٹی نے ان سے پوچھا تھا کہ کیا انہیں اپنے کیے پر افسوس ہے اور کیا وہ معافی مانگیں گے۔ کامرا نے صاف طور پر انکار کرتے ہوئے کہا کہ ایسی معافی مخلصانہ نہیں ہوگی۔
ایران پر حملوں کے 42 ویں دن اسلام آباد میں امریکہ اور ایران کے درمیان اعلیٰ سطحی مذاکرات کی تیاری ہے۔ پاکستان کی ثالثی میں شروع ہونے والی یہ بات چیت تنازعہ کے مستقل حل کی جانب ایک اہم قدم تصور کیا جا رہا ہے۔ تاہم، عارضی جنگ بندی کے باوجود لبنان میں حملے اور آبنائے ہرمز کے بند رہنے کے باعث کشیدگی برقرار ہے۔
پنجاب اور ہریانہ ہائی کورٹ نے ’آپریشن سیندور‘کے دوران پاکستان کے لیے جاسوسی کرنے کے الزام میں گرفتار ایک شخص کو ضمانت دے دی ہے۔ عدالت نے کہا کہ ریاست یہ دکھانے کے لیے کوئی ٹھوس ثبوت پیش کرنے میں ناکام رہی کہ فوج سے متعلق کوئی جانکاری حقیقت میں پاکستان بھیجی گئی تھی۔
مغربی ایشیا میں جاری کشیدگی کے باعث خام تیل کی سپلائی متاثر ہونے کے درمیان ملک کی سب سے بڑی نجی شعبے کی آئل ریفائننگ کمپنی ریلائنس انڈسٹریز لمیٹڈ نے اپنے پیٹرول پمپوں پر ایندھن کی فروخت پر حد طے کر دی ہے۔ ایک میڈیا رپورٹ کے مطابق، اب صارفین کو ایک بار میں 1,000 روپے تک ہی پیٹرول یا ڈیزل دیا جا رہا ہے۔ تاہم، کمپنی نے اس بارے میں کوئی باضابطہ فیصلہ جاری نہیں کیا ہے۔
مغربی بنگال کی ووٹر لسٹ سے تقریباً 91 لاکھ ووٹروں کے نام ایس آئی آر کے بعد ہٹا دیے گئے ہیں۔ اس بیچ ریاست کے کئی افسران کے تبادلوں کی خبریں بھی سامنے آئی ہیں۔ ایسے میں ٹی ایم سی کا ایک وفد بدھ کے روز چیف الیکشن کمشنر سے ملا تھا، جس کے بعد انہوں نے کمیشن پر ان کی بات نہ سننے کے الزام لگائے ہیں۔ وہیں، ٹی ایم سی کو نشانہ بناتے ہوئے الیکشن کمیشن کی ایک سوشل میڈیا پوسٹ پر بھی تنقیدکی جا رہی ہے۔
یونیورسٹی گرانٹس کمیشن نے وزارت داخلہ کی جانب سے اس سال 28 جنوری کو قومی گیت وندے ماترم کے گانے سے متعلق ہدایت کو دوبارہ شیئر کرتے ہوئے تمام یونیورسٹیوں اور کالجوں کو اس پر سختی سے عمل کرنے کو کہا ہے۔ وزارت کی ہدایات میں مخصوص مواقع پر وندے ماترم کے پورے چھ بند گانے کو کہا گیا ہے۔
امریکہ اور ایران کے درمیان جنگ بندی کے صرف 24 گھنٹوں کے اندر ہی لبنان میں اسرائیل کے حملوں نے صورتحال کو بگاڑ دیا ہے۔ سینکڑوں شہریوں کی ہلاکت کے درمیان ایران نے ایک بار پھر آبنائے ہرمز کو بند کر دیا ہے۔ متضاد دعوے اور عسکری تیاریوں کے باعث پورا معاہدہ اب سنگین بحران کا شکار ہے۔
امریکہ نے ایران پر حملے کی طے شدہ آخری تاریخ سے پہلے اچانک دو ہفتے کے لیے فوجی کارروائی روک دی ہے۔ ایران نے اسے قبول کرتے ہوئے شرط رکھی ہے کہ حملے مکمل طور پر بند ہوں۔ دونوں فریق بات چیت کے لیے تیار ہیں، لیکن عدم اعتماد، سخت شرائط اور علاقائی کشیدگی کے باعث صورتحال اب بھی نازک ہے۔
اسرائیلی اور ہندوستانی فلمساز، صحافی، ماہرین تعلیم اور کارکنوں نے ایک خط میں ہندوستان کے سینٹرل فلم سرٹیفیکیشن بورڈ کی جانب سے فلم ’دی وائس آف ہند رجب‘ پر پابندی کو جائز ٹھہرانے کے لیے ہندوستان اور اسرائیل کے تعلقات کا حوالہ دینے کی سخت مذمت کی ہے۔ خط میں ہندوستان اور اسرائیل میں تکثیریت، جمہوریت اور اظہار رائے کی آزادی کو بنائے رکھنے کی اپیل بھی کی گئی ہے۔
ایران پر امریکہ اور اسرائیل کے حملے جاری ہیں۔ ٹرمپ نے نئے سرے سے وارننگ دی ہے، جبکہ تہران نے صاف کر دیا ہے کہ مستقبل میں حملے نہ ہونے کی ضمانت کے بغیر وہ جنگ ختم نہیں کرے گا۔ خطے میں کشیدگی اور بے یقینی بدستور قائم ہے۔
سپریم کورٹ نے اروناچل پردیش کے سی ایم اور بی جے پی لیڈر پیما کھانڈو کے خاندان سے وابستہ کمپنیوں کو ملے سرکاری ٹھیکوں کی تحقیقات کے لیے سی بی آئی کو حکم دیا ہے۔ سی ایم کھانڈو پر بدعنوانی اور اقربا پروری کے الزامات ہیں۔ شنوائی کے دوران عدالت نے کہا کہ یہ ایک قابل ذکر ’اتفاق‘ہے کہ ورک آرڈر اور ٹینڈر کھانڈو خاندان کے ارکان کو ہی ملے۔
ہندوستان-بنگلہ دیش سرحد پر دراندازی کوروکنے کے لیے بی ایس ایف کو ندی والے علاقوں میں سانپ اور مگرمچھ جیسے رینگنے والے جانوروں کی تعیناتی کے امکان پر غور کرنے کو کہا گیا ہے۔ وزارت داخلہ کی ہدایات کے بعد یہ تجویز سامنے آئی ہے، تاہم، اس کے عملی اور انسانی اثرات کے حوالے سے سنگین سوال اٹھ رہے ہیں۔
وزارت تعلیم کی ہدایات پر یونیورسٹی گرانٹس کمیشن (یو جی سی) کی جانب سے تمام جامعات کے وائس چانسلر کو لکھے گئے ایک خط میں کہا گیا ہے کہ وزیر اعظم نریندر مودی چاہتے ہیں کہ جامعات مختلف سرکاری سروے میں حصہ لیں اور اپنے صحافت کے نصاب کا جائزہ لیں تاکہ انہیں ’مزید مؤثر‘بنایا جا سکے۔
کانگریس نے الزام لگایا ہے کہ آسام کے وزیر اعلیٰ ہمنتا بسوا شرما کی اہلیہ رنیکی بھوئیاں کے پاس تین ممالک کے پاسپورٹ ہیں اور دوسرے ملکوں میں ان کے نام پر جائیداد درج ہیں، جس کا انکشاف وزیر اعلیٰ نے اپنے حلف نامے میں نہیں کیا ہے۔ کانگریس نے ان کی ’گرفتاری‘کا مطالبہ کیا ہے۔ شرما نے تمام الزامات کو مسترد کرتے ہوئے اپوزیشن کے خلاف ہتک عزت کے مقدمے دائر کرنے کی بات کہی ہے۔
بارہ جون 2025 کو احمد آباد سے لندن جا رہی ایئر انڈیا کی پرواز ٹیک آف کے چند ہی سیکنڈ بعد حادثے کا شکار ہو گئی تھی، جس کے بعد طیارے میں سوار 242 میں سے 241 افراد ہلاک ہو گئے تھے۔ اب متاثرہ خاندانوں نے وزیر اعظم نریندر مودی کو خط لکھ کر کاک پٹ وائس ریکارڈر (سی وی آر) اور بلیک باکس ڈیٹا جاری کرنے کا مطالبہ کیا ہے، تاکہ اس حادثے کے پیچھے کی حقیقت سامنے آ سکے۔
امریکہ-اسرائیل اور ایران کے درمیان جاری جنگ 38 ویں دن مزید پرتشدد ہو گئی ہے۔ تہران اور بیروت میں حملوں سے شہری ہلاکتوں میں اضافہ ہوا ہے۔ ٹرمپ کی نئی دھمکیوں نے کشیدگی کو مزید بڑھا دیا ہے۔ اس جنگ کے باعث ہندوستان میں ایل پی جی کی سپلائی اور قیمتوں کے حوالے سے عام لوگوں کی تشویش بڑھتی جا رہی ہے۔
ایران پر امریکہ اور اسرائیل کے حملوں کے 36ویں دن دو امریکی فوجی طیارے مار گرائے گئے۔ بتایا جا رہا ہے کہ ایک فوجی کو بچا لیا گیا ہے جبکہ دوسرا لاپتہ ہے۔ اس دوران 365 امریکی فوجی زخمی ہو چکے ہیں اور خلیجی ممالک تک ان حملوں کے اثرات نظر آنے لگے ہیں۔
امریکہ اور اسرائیل کے حملوں کے 35 ویں دن بھی ایران میں کشیدگی برقرار ہے۔ نوروز کے اختتامی جشن کے دوران ایک امریکی حملے میں 8 افراد ہلاک جبکہ کئی زخمی ہوئے۔ دوسری جانب لبنان میں اسرائیلی حملے جاری ہیں۔
ایران پر امریکہ اور اسرائیل کے حملوں کے بعد مغربی ایشیا میں پیدا ہونے والے بحران کے اثرات ہندوستان میں بھی نظر آنے لگے ہیں۔ یہ بحران صرف خام تیل کی قلت یا ایل پی جی گیس کی سپلائی تک محدود نہیں ہے، بلکہ اس کے اثرات ہندوستان کی کئی صنعتوں جیسے ہینڈلوم، سیاحت اور ہاسپیٹیلٹی پر بھی صاف نظر آنے لگے ہیں۔
بامبے ہائی کورٹ نے انل امبانی کی جانب سے ان کے مالی لین دین سے متعلق خبروں پر ری-پبلک ٹی وی اور اس کے مدیر ارنب گوسوامی کے خلاف دائر ہتک عزت مقدمے کی سماعت کرتے ہوئے نیوز چینل کو ’توہین آمیز تنقید‘ سے گریز کرنے کی ہدایت دی۔ عدالت نے گوسوامی کے شو میں کیے گئے تبصروں کو ’نامناسب‘ قرار دیتے ہوئے کہا کہ چینل کو بعض لفظوں کے استعمال سے گریز کرنا چاہیے اور’اعتدال‘ سے کام لینا چاہیے۔
گزشتہ مہینے بھارتیہ جنتا یووا مورچہ کے ایک لیڈر کی شکایت پر گنگا میں افطار کرنے کے معاملے میں گرفتار 14 مسلم نوجوانوں کو وارانسی کی ایک سیشن کورٹ نے ضمانت دینے سے انکار کر دیا ہے۔ سیشن جج نے کہا کہ نوجوانوں کی جانب سے اس واقعے کا ویڈیو سوشل میڈیا پر پوسٹ کرنا یہ ثابت کرتا ہے کہ یہ عمل سماجی ہم آہنگی کو متاثر کرنے کے مقصد سے انجام دیا گیا تھا۔
ایران پر امریکہ-اسرائیل حملوں کے 34ویں دن ٹرمپ نے حملے تیز کرنے کی بات کہی اور جنگ کو’سرمایہ کاری‘قرار دیا۔ ان کے جنگ بندی کے دعوے کو ایران نے مسترد کر دیا ہے۔ وہیں، آبنائے ہرمز اب بھی بند پڑی ہے، جس سے عالمی تیل کی سپلائی اور قیمتوں پر اثر پڑ رہا ہے۔
مغربی ایشیا میں کشیدگی میں مسلسل اضافہ ہو ریا ہے، جہاں ٹرمپ کے ایران سے بات چیت کے دعوے کو تہران نے خارج کر دیا ہے۔ وہیں،اسرائیل کی لبنان میں فوجی کارروائی، امریکہ کی دھمکیاں اور سفارتی عدم اعتماد نے حالات کو مزید پیچیدہ بنا دیا ہے۔
ایئرلائن پائلٹس ایسوسی ایشن آف انڈیا نے شہری ہوا بازی کی وزارت کے سکریٹری اور ڈی جی سی اے کو لکھے گئے خط میں مسافروں، فضائی عملے اور طیاروں کی حفاظت کا حوالہ دیتے ہوئے کہا ہے کہ کسی فعال جنگی علاقے کے اندر یا اس کے بہت قریب پروازیں چلانا انسانی جانوں کو جان بوجھ کر خطرے میں ڈالنے کے مترادف ہے۔
ایران پر امریکہ–اسرائیل حملوں کے 31 ویں دن تنازعہ مزید شدت اختیار کر گیا ہے۔ خلیجی ممالک تک حملے پھیلنے کے درمیان کویت میں ایک ہندوستانی شہری کی موت ہو گئی ہے۔ ٹرمپ کے تیل پر قبضے والے بیان سے تنازعہ بڑھ گیا ہے، جبکہ جنگ کا اثر ہندوستان میں ایندھن کے بحران کی صورت میں واضح طور پرنظر آنے لگا ہے، جہاں گھریلو ضروریات کے لیے مٹی کے تیل کی عارضی واپسی ہوئی ہے۔
انل امبانی نے ری-پبلک ٹی وی اور ارنب گوسوامی کے خلاف بامبے ہائی کورٹ میں ہتک عزت کا مقدمہ دائر کیا ہے۔ ان کا الزام ہے کہ چینل نے ای ڈی کی تحقیقات سے متعلق رپورٹنگ میں انہیں غلط طریقے سے ذاتی طور پر ذمہ دار ٹھہرایا، جس سے ان کی ساکھ کو شدید نقصان پہنچا۔