Author Archives

دی وائر اسٹاف

وزیر اعظم نریندر مودی۔ (تصویر بہ شکریہ: فیس بک)

وزیراعظم نے چین کے مفاد میں کام کیا ہے، اس لیے چینی میڈیا ان کی تعریف کر رہا ہے: کانگریس

وزیر اعظم نریندر مودی کی تعریف کرتے ہوئے چین کے ‘گلوبل ٹائمز’ اخبار نے کہا ہے کہ ان کی قیادت میں ہندوستان نے اقتصادی، سماجی نظم و نسق اور خارجہ پالیسی کے شعبوں میں نمایاں ترقی کی ہے۔ اس پر کانگریس کا کہنا ہے کہ چینی سرکاری میڈیا نے وزیر اعظم کی تعریف اس لیے کی ہے کہ انہوں نے چینی گھس پیٹھ کے جواب میں اپنی آنکھیں موند لی ہیں۔

Kapil-Sibal-Satyapal-Malik-The-Wire

جگدیپ دھن کھڑ پر بولے ستیہ پال ملک – ’جھکا ہوا جاٹ، ٹوٹی ہوئی کھاٹ، کسی کام کے نہیں‘

ویڈیو: الیکشن کمیشن، پارلیامنٹ سے معطل ہوئے اپوزیشن کے ممبران، نائب صدر جگدیپ دھن کھڑ کی توہین کیے جانے کے دعوے سمیت ملک کی سیاست کے مختلف مسائل پر سابق مرکزی وزیر اور سینئر ایڈوکیٹ کپل سبل سے بات کر رہے ہیں سابق گورنر ستیہ پال ملک۔

دہلی میں ایک محلہ کلینک۔ (تصویر بہ شکریہ: فیس بک)

دہلی: محلہ کلینکوں میں بدعنوانی اور فرضی ٹیسٹ کے الزامات کی جانچ کرے گی سی بی آئی

اروند کیجریوال کی قیادت والی دہلی حکومت محلہ کلینک میں غریب مریضوں کو 450 قسم کے طبی ٹیسٹ مفت فراہم کر رہی ہے۔ اس کی ذمہ داری دو نجی کمپنیوں کو سونپی گئی ہے۔ الزام ہیں کہ یہاں ڈمی مریضوں کے لاکھوں ٹیسٹ کروا کر سرکاری رقم نجی کمپنیوں کو دی گئی ہے۔

(تصویر بہ شکریہ: فیس بک)

مدارس میں غیر مسلم بچوں کا ڈیٹا فراہم نہ کرنے پر 11 ریاستوں کے چیف سکریٹری کو طلب کیا گیا

نیشنل کمیشن فار پروٹیکشن آف چائلڈ رائٹس (این سی پی سی آر) نے تقریباً ایک سال قبل ریاستوں اور مرکز کے زیر انتظام علاقوں سے اس سلسلے میں کارروائی کا مطالبہ کیا تھا۔ کمیشن نے کہا ہے کہ مدرسوں میں ہندو اور دیگر غیر مسلم بچوں کا داخلہ آئین کے آرٹیکل 28(3) کی واضح طور پرخلاف ورزی ہے۔

ایودھیا میں واقع رام مندر۔ (تصویر بہ شکریہ: فیس بک/نرہوا)

یوپی سرکار کا فیصلہ: سرکاری بسوں میں بجیں  گے رام بھجن، جیل کے قیدیوں کو دی جائے گی ہنومان چالیسہ

ایودھیا میں رام مندر کے پران پرتشٹھا کی تقریب سے پہلے اتر پردیش کے محکمہ ٹرانسپورٹ نے 22 جنوری تک سرکاری بسوں میں نصب پبلک ایڈریس سسٹم کے ذریعے رام بھجن بجانے کی ہدایات جاری کی ہیں۔ وہیں وزیر جیل خانہ جات نے کہا ہے کہ ہنومان چالیسہ اور سندر کانڈ کی 50000 سے زیادہ کاپیاں ریاست بھر کی تمام جیلوں میں قیدیوں کے درمیان تقسیم کی جائیں گی۔

 (علامتی تصویر بہ شکریہ: فیس بک)

سال 2022-23 میں الیکٹورل ٹرسٹوں کے ذریعے دیے گئے عطیات میں سے بی جے پی کو 70 فیصد سے زیادہ ملا: اے ڈی آر

ایسوسی ایشن فار ڈیموکریٹک ریفارمز (اے ڈی آر) کے ایک تجزیہ کے مطابق، پانچ الیکٹورل ٹرسٹوں کو مالی سال 2022-23 میں کل 366.49 کروڑ روپے موصول ہوئے، جس میں بی جے پی کو سب سے زیادہ 259.08 کروڑ روپے ملا۔ بی آر ایس کو 90 کروڑ روپے اور وائی ایس آر کانگریس، عآپ اور کانگریس کو مجموعی طور پر 17.40 کروڑ روپے ملے۔

FotoJet (1)

اسٹیشنوں پر مودی سیلفی پوائنٹ کی لاگت کے انکشاف کے بعد ریلوے نے آر ٹی آئی قوانین کو سخت کیا

رائٹ ٹو انفارمیشن ایکٹ کے ذریعے مانگی گئی معلومات سے یہ بات سامنے آئی ہے کہ ریلوے اسٹیشنوں پر لگائے گئے وزیر اعظم نریندر مودی کی فوٹو والے ہر مستقل سیلفی بوتھ کی لاگت 6.25 لاکھ روپے ہے، جبکہ ہر عارضی سیلفی بوتھ کی لاگت 1.25 لاکھ روپے ہے۔ یہ جانکاری سینٹرل ریلوے نے فراہم کی تھی، جس کے بعد بغیر کوئی نوٹس دیے اس کے ایک افسر کا تبادلہ کر دیا گیا۔

تھانے میں حاجی ملنگ شاہ درگاہ اور مہاراشٹر کے وزیر اعلیٰ ایکناتھ شندے۔ (تصویر بہ شکریہ: فیس بک)

مہاراشٹر: حاجی ملنگ درگاہ کے ہندو ٹرسٹی بولے – اسے سیاسی فائدے کے لیے مندر بتایا جا رہا ہے

مہاراشٹر کے وزیر اعلیٰ ایکناتھ شندے نے کہا ہے کہ وہ تھانے ضلع میں واقع حاجی ملنگ درگاہ کو آزاد کرانے کے لیے پرعزم ہیں۔ پچھلی چند دہائیوں سے ہندو فریق اس درگاہ کو مندر کہتے آ رہے ہیں۔ تاہم، اس درگاہ کی دیکھ بھال کرنے والے ہندو ٹرسٹی سپریم کورٹ کے ایک فیصلے کے حوالے سے کہتے ہیں کہ درگاہ ایک مخلوط ڈھانچہ ہے، جس پر ہندو یا مسلم قانون نہیں چلایا جا سکتا۔

سونیا گاندھی۔ (تصویر بہ شکریہ: ٹوئٹر/@INCIndia)

جو لوگ آج اقتدار میں ہیں وہ لفظ ’سیکولر‘ کو توہین آمیز اصطلاح کے طور پر استعمال کر رہے ہیں: سونیا گاندھی

کانگریس کی سینئر لیڈر سونیا گاندھی نے کہا کہ آج اقتدار میں بیٹھے لوگ کہتے ہیں کہ وہ ‘جمہوریت’ کے لیے پرعزم ہیں، لیکن اس کے ساتھ ہی وہ اس کے منظم عمل کو یقینی بنانے کے لیے اپنائے گئے حفاظتی اقدامات کو بھی کمزور کر رہے ہیں۔ انہوں نے کہا کہ ملک کو ہم آہنگی کی جانب لے جانے والے راستے خستہ حالی کا شکار ہیں اور اس کے نتائج بڑھتے ہوئے پولرائزیشن کی صورت میں سامنے آ رہے ہیں۔

21، 22 اور 23 دسمبر کو پولیس کی بھاری تعنیاتی کے بیچ بڑے پیمانے پر درختوں کی کٹائی کی گئی۔ (تصویر بہ شکریہ: X/@alokshuklacg)

چھتیس گڑھ میں بی جے پی نے اقتدار میں آتے ہی اڈانی گروپ کی کان کنی کے لیے درختوں کی کٹائی تیز کی: کارکنان

چھتیس گڑھ بچاؤ آندولن کے کنوینر آلوک شکلا نے کہا کہ نئی حکومت کے آنے کے بعد ہسدیو ارنیہ علاقے میں سرگرمیاں اچانک تیز ہو گئی ہیں۔ دسمبر کے آخری ہفتے میں پولیس کی بھاری تعیناتی کے درمیان بڑے پیمانے پر درخت کاٹے گئے۔ مرکزی اور ریاستی حکومتیں اڈانی گروپ کو فائدہ پہنچانے کے مقصد سے کام کر رہی ہیں۔

آئی آئی ٹی - بی ایچ یو معاملے کے ملزم (تصویر: کینوا)

یوپی: بی ایچ یو کی طالبہ کو جنسی طور پر ہراساں کرنے والے ملزمین نے چھیڑ چھاڑ کے تین اور واقعات  میں ملوث ہونے کا انکشاف کیا

ایک رپورٹ کے مطابق، نومبر میں آئی آئی ٹی – بی ایچ یو کیمپس میں ایک طالبہ کو جنسی طور پر ہراساں کرنے کے الزام میں گرفتار کیے گئے کنال پانڈے، سکشم پٹیل اور ابھیشیک چوہان نے پوچھ گچھ کے دوران پولیس کو بتایا ہے کہ وہ باقاعدگی سے رات 11 بجے سے 1 بجے کے درمیان یونیورسٹی کیمپس جایا کرتے تھے اور ‘مواقع’ کی تلاش میں رہتے تھے۔

 (علامتی تصویر بہ شکریہ: Pixabay)

ٹرک ڈرائیوروں کے احتجاج کے بعد مرکز نے کہا – مشاورت کے بعد ہی ہٹ اینڈ رن قانون لاگو کیا جائے گا

ہٹ اینڈ رن معاملوں میں سزا کے نئے اہتماموں کے خلاف ٹرک ڈرائیور ملک گیر احتجاج کر رہے ہیں۔ مرکز نے انہیں یقین دہانی کرائی ہے کہ انڈین جوڈیشل کوڈ کے تحت ایسے معاملات میں سخت دفعات کو لاگو کرنے کا فیصلہ آل انڈیا موٹر ٹرانسپورٹ کانگریس (اے آئی ایم ٹی سی) سے مشاورت کے بعد ہی لیا جائے گا۔

سپریم کورٹ (فوٹو : پی ٹی آئی)

سپریم کورٹ نے بہار حکومت سے ذات پر مبنی سروے کی تفصیلات عام کرنے کو کہا

سپریم کورٹ نے بہار حکومت کو ذات پر مبنی سروے کے اعداد و شمار کی تفصیلات کو عوامی طور پر دستیاب کرانے کی ہدایت دیتے ہوئے کہا کہ ایسا اس لیے کیا گیا تاکہ غیر مطمئن لوگ نتائج کو چیلنج کر سکیں۔

ریلوے اسٹیشن پر بنایا گیا سیلفی پوائنٹ۔ (تصویر بہ شکریہ: Twitter/@Ashutoshjha100)

مودی سیلفی پوائنٹ کی لاگت بتانے کے بعد بغیر کسی نوٹس  کے سینٹرل ریلوے کے پی آر او کا تبادلہ

ستمبر 2023 میں ریلوے بورڈ نے 19 زونل ریلوے کے جنرل منیجر کو اسٹیشن پر سیلفی بوتھ لگانے کو کہا تھا۔ اس بارے میں ایک آر ٹی آئی درخواست کے جواب میں صرف سینٹرل ریلوے نے ہی اس کی لاگت کے بارے میں جانکاری دی تھی۔

سندیپ پانڈے (مائیک کے ساتھ)۔ (تصویر بہ شکریہ: X/@RajeevKisanNeta)

اسرائیلی حملے کو امریکی حمایت کے پیش نظر سندیپ پانڈے نے میگسیسے ایوارڈ لوٹایا

سماجی کارکن سندیپ پانڈے کو سال 2002 میں باوقار میگسیسے ایوارڈ سے نوازا گیا تھا۔ انہوں نے ایک بیان جاری کرتے ہوئے کہا کہ فلسطینی شہریوں کے خلاف موجودہ حملوں میں اسرائیل کی کھل کر حمایت کرنے میں امریکہ کے رول کو دیکھتے ہوئے ان کے لیے اپنے پاس یہ ایوارڈ رکھنا ناقابل برداشت ہو گیا ہے۔

 (السٹریشن: پری پلب چکرورتی/ دی وائر)

سال 2023 میں خواتین کے خلاف جرائم کی 28811 شکایتیں موصول ہوئیں، 55 فیصد سے زیادہ معاملے یوپی سے: این سی ڈبلیو

این سی ڈبلیو کے اعداد و شمار کے مطابق، خواتین کے خلاف جرائم کی سب سے زیادہ 16109 شکایتیں اتر پردیش میں درج کی گئیں۔ اس کے بعد دہلی کو 2411 اور مہاراشٹر کو 1343 شکایتیں موصول ہوئیں۔ عزت اور وقارکے حق کے زمرے میں سب سے زیادہ شکایتیں موصول ہوئیں جن میں گھریلو تشدد کے علاوہ ہر طرح سے ہراساں کرنا بھی شامل ہے۔ ان کی تعداد 8540 تھی۔

 (علامتی تصویر بہ شکریہ: یو این ویمن/گگن جیت سنگھ)

آدھار سسٹم کے ذریعے منریگا مزدوری کی ادائیگی لازمی، کانگریس نے کہا – وزیر اعظم کا نئے سال کا ظالمانہ تحفہ

مہاتما گاندھی نیشنل رورل ایمپلائمنٹ گارنٹی ایکٹ (منریگا) کے آدھار پر مبنی ادائیگی کے نظام کو 30 جنوری 2023 کو لازمی کر دیا گیا تھا، حالانکہ بعد میں اس کے نفاذ کے لیے توسیع کی گئی تھی۔ 31 دسمبر 2023 کے بعد ریاستوں کو توسیع نہیں دیے جانے کے باعث اے بی پی ایس 1 جنوری 2024 سے لازمی ہو گیا۔

علامتی تصویر۔ (فوٹو بہ شکریہ: اے این آئی)

انڈین جوڈیشل کوڈ میں لائے گئے نئے ہٹ اینڈ رن قانون کے خلاف ڈرائیوروں کی ملک گیر ہڑتال

مرکزی حکومت کی جانب سے لائے گئے نئے انڈین جوڈیشل کوڈ میں ہٹ اینڈ رن کے معاملوں میں 10 سال کی سزا اور 7 لاکھ روپے جرمانے کا اہتمام کیا گیا ہے، جس کے خلاف ملک بھر میں ٹرانسپورٹر اور ڈرائیور ہڑتال پر چلے گئے ہیں۔ اس کی وجہ سے مختلف ریاستوں میں ضروری اشیاء کی سپلائی متاثر ہوئی ہے۔

 (تصویر بہ شکریہ: Facebook/@SahityaAkademi)

اُردو کے لیے دیے گئے ساہتیہ اکیڈمی ایوارڈ میں ’بدعنوانی‘ کے خلاف ادیبوں کا ملک گیر احتجاج

ملک بھر کے ادیبوں نے سال 2023 کے لیے دیے گئے ساہتیہ اکیڈمی ایوارڈ کے حوالے سے ‘نااہل جیوری’ کے ذریعےاس سال نامزد سینئر ادیبوں کی اہم تخلیقات کو نظر انداز کرنے کا الزام لگایا ہے۔ انہوں نے اکیڈمی میں اردو ایڈوائزری بورڈ کے کنوینر چندر بھان خیال کو فوراً برطرف کرنے کا مطالبہ کرتے ہوئے وزارت ثقافت سے مداخلت کی اپیل کی ہے۔

 (علامتی تصویر بہ شکریہ: Pixabay)

طالبعلموں نے مولانا آزاد اسکالرشپ کی رقم میں اضافہ نہ کرنے کے مرکز کے فیصلے پر سوال اٹھایا

مرکزی حکومت نے مولانا آزاد نیشنل فیلو شپ (ایم اے این ایف) کو بند کر دیا ہے۔ ملک کی تقریباً 30 یونیورسٹی کے ریسرچ اسکالر اور ڈاکٹریٹ کے طالبعلموں نے اقلیتی امور کی وزیر اسمرتی ایرانی کو خط لکھ کر کہا ہے کہ حکومت موجودہ ایم این ایف فیلو کے لیے اسکالرشپ کی رقم میں اضافہ نہ کرکے اقلیتی طلبہ کے ساتھ امتیازی سلوک کر رہی ہے۔

ہمنتا بسوا شرما۔ (تصویر بہ شکریہ: فیس بک)

پورے آسام سے این آر سی کو پھر سے کرانے کا مطالبہ کیا جا رہا ہے: وزیر اعلیٰ ہمنتا بسوا شرما

آسام کے وزیر اعلیٰ ہمانتا بسوا شرما نے کہا کہ ریاست میں نیشنل رجسٹر آف سٹیزن (این آر سی) کو دوبارہ کرانے کا مطالبہ کیا جا رہا ہے، کیونکہ پچھلے این آر سی میں بہت سے عوامل تھے، جس کی وجہ سے ہم اسے صحیح طریقے سے نہیں کر سکے۔ آسام میں حالیہ حد بندی کے عمل پر انہوں نے کہا کہ 126 سیٹوں میں سے تقریباً 97 سیٹیں مقامی لوگوں کے لیے مختص کی گئی ہیں۔

سیتارام یچوری۔ (تصویر بہ شکریہ: فیس بک)

وزیر اعظم کے ہاتھوں رام مندر کا افتتاح مذہبی جذبات کا استحصال ہے: سیتارام یچوری

سیتارام یچوری نے کہا کہ رام مندر کا افتتاح کھلے طور پر مذہب کو سیاست سے جوڑنا ہے، جو آئین کے خلاف ہے۔ اس کا مقابلہ کرنے کی حکمت عملی سیکولرازم پر سختی سے عمل کرنا ہے۔ آپ نرم ہندوتوا یا نرم بھگوا کو اپنا کر مذہبی انتہا پسندی کا مقابلہ نہیں کر سکتے۔

گجرات فسادات کے دوران احمد آباد کی ایک تصویر۔(تصویر بہ شکریہ: وکی پیڈیا)

گجرات: ایس آئی ٹی نے 2002 کے فسادات کے گواہوں اور ریٹائرڈ جج کو ملی سکیورٹی واپس لی

گجرات فسادات کی جانچ کے لیے سپریم کورٹ کی جانب سے مقرر کردہ خصوصی تحقیقاتی ٹیم نے فسادات سے متاثرہ آٹھ اضلاع میں ذکیہ جعفری کے علاوہ 159 لوگوں کو دی گئی سیکورٹی واپس لینے کا فیصلہ کیا ہے۔ ان میں نرودا پاٹیا قتل عام کیس میں مایا کوڈنانی اور بابو بجرنگی کو سزا سنانے والی ریٹائرڈ جج جیوتسنا یاگنک بھی شامل ہیں۔

پرینکا گاندھی۔ (تصویر بہ شکریہ: Facebook/@priyankagandhivadra)

ای ڈی نے منی لانڈرنگ کیس میں پرینکا گاندھی کا نام شامل کیا، کانگریس نے اسے حقیقی مسائل سے توجہ ہٹانے کی سازش قرار دیا

ای ڈی نے ہتھیار ڈیلر سنجے بھنڈاری کے خلاف منی لانڈرنگ کیس کی ضمنی چارج شیٹ میں کانگریس لیڈر پرینکا گاندھی واڈرا کا نام لیا ہے۔ اس حوالے سے کانگریس نے الزام لگایا ہے کہ مودی حکومت لوک سبھا انتخابات سے قبل لوگوں کی توجہ ان کے حقیقی مسائل سے ہٹانے کی سازش کر رہی ہے۔

 (السٹریشن: پری پلب چکرورتی/ دی وائر)

مرکز کے خلاف مہم کا آغاز کرے گا کسان مورچہ، 26 جنوری کو 500 اضلاع میں ہوگی ٹریکٹر پریڈ

سنیوکت کسان مورچہ نے کہا کہ ملک بھر کی 20 ریاستوں میں اس کی ریاستی اکائیاں 10-20 جنوری تک گھر گھر جاکر اور پرچہ تقسیم کرکے ‘جن جاگرن’ مہم چلائیں گی۔ اس کا مقصد مرکزی حکومت کی ‘کارپوریٹ حامی اقتصادی پالیسیوں کو اجاگر کرنا’ ہے۔

 (السٹریشن: پری پلب چکرورتی/ دی وائر)

تمل ناڈو: آزادی سے پہلے کی روایت کو ختم کرتے ہوئے 60 دلت جوتے پہن کر سڑک پر نکلے

دلت کمیونٹی کے 60 لوگ 24 دسمبر کوتروپور ضلع کے مداتھکلم تعلقہ کے راجاور گاؤں میں پہلی بار جوتے پہن کر سڑک پر نکلے، جہاں ان کےچلنے پر پابندی تھی۔ ایسا کرتے ہوئے انہوں نے نام نہاد اعلیٰ ذاتوں کے اس اصول کو توڑ دیا، جو دلتوں کو چپل اور جوتے پہن کر سڑک پر چلنے سے روکتے تھے۔

(علامتی تصویر بہ شکریہ: اے این آئی)

وزیر اعظم، وزیر داخلہ اور یوپی کے وزیر اعلیٰ کے خلاف قابل اعتراض تبصرہ کرنے کے الزام میں ایک شخص گرفتار

اتر پردیش کے نوئیڈا سیکٹر-49 تھانہ حلقہ کے تحت ہوشیار پور گاؤں کے رہنے والے رامپت یادو کو گرفتار کیا گیا ہے۔ پولیس نے کہا کہ پانچ چھ ماہ قبل تک ٹرانسپورٹ کے شعبے میں کام کرنے والے یادو نے کہا ہے کہ اسے اپنے تبصروں پر افسوس ہے۔

نامعلوم فوجیوں کے ذریعے شہریوں پر تشدد کے ویڈیو کا اسکرین گریب۔

جموں و کشمیر: فوج کی حراست میں رہے لوگ بولے- لاٹھیوں / لوہے کی راڈ سے مارا، زخموں پر مرچیں ڈالیں

جموں و کشمیر کے پونچھ ضلع میں 21 دسمبر کو دہشت گردانہ حملے میں 4 جوانوں کی موت کے بعد فوج نے کچھ لوگوں کو پوچھ گچھ کے لیے اٹھایا تھا۔ بعد میں ان میں سے تین افراد کی لاشیں اس جگہ کے قریب ملیں جہاں دہشت گردوں نے فوج پر حملہ کیا تھا۔ پانچ دیگر کو زخمی حالت میں اسپتال میں داخل کرایا گیا، جن میں ایک نابالغ بھی شامل ہے۔

پرینکا گاندھی۔ (تصویر بہ شکریہ: فیس بک)

ریسلنگ فیڈریشن کو تحلیل نہیں کیا گیا، گمراہ کرنے کے لیے سرگرمیاں روکی گئیں: پرینکا گاندھی

مرکزی وزارت کھیل نےگزشتہ 24 دسمبر کو نو منتخب ریسلنگ فیڈریشن آف انڈیا (ڈبلیو ایف آئی) کو یہ کہتے ہوئے تحلیل کر دیا تھا کہ نئی باڈی سابقہ ​​عہدیداروں کےکنٹرول میں ہے۔ خواتین پہلوانوں کو جنسی طور پر ہراساں کرنے کے ملزم بی جے پی ایم پی برج بھوشن شرن سنگھ کے قریبی سنجے سنگھ ڈبلیو ایف آئی کے صدر منتخب ہوئے تھے۔

جھارکھنڈ کے وزیر اعلیٰ ہیمنت سورین۔ (تصویر بہ شکریہ: Facebook/@HemantSorenJMM)

سی اے جی کی رپورٹ میں انکشاف – جھارکھنڈ حکومت نے مردوں میں تقسیم کر دی بیوہ پنشن

جھارکھنڈ اسمبلی میں پیش کی گئی سال 2021-22 کی سی اے جی کی آڈٹ رپورٹ سے پتہ چلتا ہے کہ مشرقی سنگھ بھوم، گوڈا پوٹکا، گھاٹ شیلا، پوڑیاہاٹ اور گوڈا صدر کے 16 مردوں کو اندرا گاندھی نیشنل بیوہ پنشن اسکیم اور ریاستی بیوہ سمان پروتساہن یوجنا کے تحت بیوہ پنشن کے طور پر 9.54 لاکھ روپے کی ادائیگی کی گئی۔

کرناٹک کے وزیر اعلیٰ سدارمیا (تصویر بہ شکریہ: Twitter/@CMofKarnataka)

کرناٹک: سی ایم سدارمیا نے حجاب پر عائد پابندی ہٹائی، بی جے پی نے کہا — وزیر اعلیٰ مذہب کا زہر بو رہے ہیں

کرناٹک کے وزیر اعلیٰ سدارمیا نے ریاست میں 23 دسمبر سے حجاب پر پابندی کے فیصلے کو واپس لینے کی ہدایت دیتے ہوئے کہا کہ بی جے پی لباس اور ذات پات کی بنیاد پر لوگوں اور سماج کو تقسیم کرنے کا کام کر رہی ہے۔ حجاب پر پابندی بسواراج بومئی کی قیادت والی پچھلی بی جے پی حکومت نے عائد کی تھی۔

اپریل میں جنتر منتر پر مظاہرہ کے دوران میڈیا سے بات کرتے ہوئے بجرنگ پونیا، ساتھ ونیش پھوگاٹ اور ساکشی ملک۔ (فائل فوٹو: ٹوئٹر/بجرنگ پونیا)

’جس کُشتی کے لیے انعامات اور اعزازات سے نوازا گیا، خواتین پہلوانوں کو اپنے تحفظ کے لیے اسی کُشتی کو ترک کرنا پڑ رہا ہے‘

ریسلنگ فیڈریشن کے سابق صدر اور بی جے پی ایم پی برج بھوشن کے قریبی سنجے سنگھ کے فیڈریشن کے سربراہ بننے کی مخالفت میں برج بھوشن کے خلاف جنسی استحصال کے الزامات کے حوالے سے احتجاج کرنے والے پہلوانوں میں سے ایک بجرنگ پونیا نے ’پدم شری‘ ایوارڈ لوٹا دیا ہے۔

(علامتی تصویر بہ شکریہ: فیس بک/راشٹریہ سویم سیوک سنگھ)

آر ایس ایس نے ذات پر مبنی مردم شماری پر یو ٹرن لیا، کہا – وہ خلاف نہیں، اسے سماج کی بہتری کے لیے استعمال کیا جائے

حال ہی میں ودربھ کے سنگھ چالک شری دھر گھاڈگے نے ذات پر مبنی مردم شماری پر سوال اٹھاتے ہوئے کہاتھا کہ کچھ لوگوں کو اس سے سیاسی طور پر فائدہ ہو سکتا ہے، لیکن یہ قومی اتحاد کے لیے اچھا نہیں ہے۔ اب آر ایس ایس نے زور دیتے ہوئے کہا ہے کہ تنظیم کی رائے تھی کہ اسے سماج کی ترقی کے لیے استعمال کیا جانا چاہیے۔

 (علامتی تصویر بہ شکریہ: متعلقہ ویب سائٹ)

فیس بک اور انسٹاگرام پر فلسطین کے حق میں اٹھنے والی آوازوں کو میٹا دبا رہا ہے: ہیومن رائٹس واچ

ایک رپورٹ میں انسانی حقوق کی بین الاقوامی تنظیم ہیومن رائٹس واچ نے فیس بک اور انسٹاگرام پر اُ ن آوازوں کو غیر منصفانہ طور پر دبانے اور ہٹانے کے ایک پیٹرن کادستاویز تیار کیا ہے، جس میں فلسطین کی حمایت میں پرامن اظہار اور انسانی حقوق کے بارے میں عوامی بحث شامل ہے۔

(تصویر بہ شکریہ: Facebook/@/RSSOrg)

ذات پر مبنی مردم شماری کی مخالفت کرتے ہوئے آر ایس ایس نے کہا — اس سے عدم مساوات میں مزید اضافہ ہوگا

راشٹریہ سویم سیوک سنگھ نے کہا کہ ملک میں ذات پات کے نام پر پھوٹ اور دراڑ پڑتی ہے۔ اگر ذات پات سماج میں عدم مساوات کی جڑ ہے تو آر ایس ایس کا ماننا ہے کہ ذات پر مبنی مردم شماری جیسے اقدامات سے اس میں مزید اضافہ نہیں کرنا چاہیے۔

لال کرشن اڈوانی اور مرلی منوہر جوشی۔ (تصویر بہ شکریہ: فیس بک)

اڈوانی اور مرلی منوہر جوشی سے افتتاحی تقریب میں شرکت نہ کرنے کی درخواست کی گئی: رام مندر ٹرسٹ

رام مندر ٹرسٹ کے جنرل سکریٹری چمپت رائے نے بتایا کہ بی جے پی لیڈر لال کرشن اڈوانی اور مرلی منوہر جوشی بزرگ ہیں اور ان کی عمر کو دیکھتے ہوئے ان سے افتتاحی تقریب میں نہ آنے کی درخواست کی گئی تھی، جسے دونوں نے قبول کر لیا ہے۔ اڈوانی اور جوشی ایودھیا میں رام مندر کی تحریک میں سب سے آگے رہنے والے لیڈروں میں شامل ہیں۔

Sehat-Ka-sawal-Thumb-1

سوال صحت کا: ہندوستان میں مرض کا قرض

ویڈیو: دی وائر نے ہندوستان کے ہیلتھ کیئر سسٹم پر ایک نئی سیریز شروع کی ہے۔ پہلے ایپی سوڈ میں ہندوستان میں کن بیماریوں کا بوجھ سب سے زیادہ ہے اور ان سے کیسے نمٹا جا سکتا ہے، اس بارے میں ایمس، دہلی کے ڈاکٹر آنند کرشنن اور دی وائر کی ہیلتھ رپورٹر بن جوت کور سے بات کر رہی ہیں عارفہ خانم شیروانی۔

دی وائر میں 14 اپریل 2023 کو شائع ہونے والی رپورٹ، جسے ایوارڈ دیا گیا۔

انسانی اسمگلنگ کے حوالے سے دی وائر کی رپورٹ نے انویسٹیگیٹو رپورٹنگ کے لیے اٹلی کا اعلیٰ ایوارڈ جیتا

یہ رپورٹ اس بات پر گہرائی سے روشنی ڈالتی ہے کہ کس طرح ہزاروں پنجابی نوجوان اچھی کمائی کے لالچ میں اٹلی جانے کے لیے اسمگلروں کو لاکھوں روپے ادا کرتے ہیں اور وہاں پہنچ کر انہیں تقریباً غلامی کی حالت میں کام کرنے کو مجبو ر ہونا پڑتا ہے۔ تین دیگر صحافیوں کے ساتھ دی وائر سے وابستہ کسم اروڑہ نے نے یہ رپورٹ لکھی تھی۔

یو ایس سی آئی آر ایف کا لوگو۔ (بہ شکریہ: متعلقہ ویب سائٹ)

امریکی کمیشن نے ہندوستان کے ذریعے اقلیتوں کو بیرون ملک نشانہ بنانے پر تشویش کا اظہار کیا

یونائیٹڈ اسٹیٹس کمیشن آن انٹرنیشنل ریلیجیئس فریڈم (یو ایس سی آئی آر ایف) نے ایک بیان میں کہا ہے کہ بیرون ملک کارکنوں، صحافیوں اور وکلاء کو خاموش کرانے کی ہندوستانی حکومت کی حالیہ کوششیں مذہبی آزادی کے لیے سنگین خطرہ ہیں۔ کمیشن نے امریکی محکمہ خارجہ سے ہندوستان کو خصوصی تشویش والے ملک میں ڈالنے کی درخواست کی ہے۔